Post
哈爾濱萬達室內場 by Derrick Wong
相信鍾意滑雪既朋友都有聽過或者已經去過哈爾濱萬達室內滑雪場，開業已經一年幾，今次終於有機會去睇下暫時世界最大嘅室內場係咩料子啦😍
先講下行程，因為香港冇直航去哈爾濱，所以香港出發的話要轉機先會到既哈爾濱機場，全程差唔多要10個鐘😵仲有因為北京機場成日空管delay，我地就差Ｄde到差少少趕唔到班轉機😵😵 下次再有機會去會係深圳機場出發直飛。
酒店方面就揀左離個場遠少少嘅酒店，但都唔算好贵同好遠，平均一個人唔洗200蚊一晚❤就算去個滑雪場都唔洗行好多路。因為可以坐巴士2個站2蚊人仔，分分鐘仲行得少過萬達茂隔離個幾間大酒店。食飯，一定要食既係燒烤店，味道真係不得知了，同埋燒烤店總有一間係左近🤤
滑雪場- 唔好睇佢萬達茂外型好大，佢跟本係一個大商場，而滑雪場係得少部分😂比我想像中細好多haha，可能因為初級雪道同中高級雪道分開（初級係1樓，中高級係2樓）票價呢就好彩我嗰期有月票899一個月任玩，基本上如果你玩2日4個鐘以上已經可以買月票。
雪場温度佢寫-4c左右，真係好凍！著大褸完全冇問題！雪質都因為佢咁凍，玩落好爽，仲有Ｄ位可以叫得上係powder添(其實係冰粒)好多人玩carving板，直頭carving場！park嚟講應該佢地定期會換jib, rail既數量比box多，rail有肥有瘦有高有矮，但係有Ｄ位會好啜，要小心！box就比較少，但就因為比較闊同唔會太滑，所以非常岩初玩freestyle既朋友玩！跳台-有3個，但係因為塊板同埋自己問題，衝唔到去斜位所以玩左幾野已經冇玩haha求高手教學🙏🙇
總括嚟講哈爾濱萬達係的確幾好玩，因為除左滑雪場，仲可以係附近shopping，食嘢，商場旁邊有個大型遊樂場(過山車etc.)，商場入面都有個遊樂場, 滑板嘅skate park等等，不妨一試。但如果想專心玩snowboard 嘅park，都係覺得北京喬波室內滑雪場會比較集中多變化！
再唔係，等多1年廣州都會有個室內場開❤會keep住夏天玩snowboard既朋友，除左世界之窗外又多個選擇🤤
滑雪路上 by Derrick Wong
style="text-align: center;">
VIDEO-2018-07-19-10-37-16 from 1/60th on Vimeo.
我係Derrick, 一個好鐘意滑雪既香港人，但係偏偏出生於一個沒有雪的地方，係香港要去滑雪一係就近近地上深圳世界之窗室內場，一係就要坐飛機請幾日假去國外。滑雪絕對係高級奢侈品，要買齊裝備閒閒地都7，8千蚊之如，Ｄ裝備又易爛，玩左滑雪已經近十年，停左幾年，三年前又開始玩返，呢三年我已經爛左5塊板...基本上我工作賺嘅錢有1/3 都拎左去滑雪...不過唔緊要，因為真係好鐘意呢個運動。
一直以嚟都係當運動咁玩，都冇話有乜野目標，識到一班人搞左個嘜頭叫uncle team 同埋有朋友推介咗我畀optcool開始有sponsor，終於覺得玩到有Ｄ成績有人認同！haha thanks optcool！2017～18season去左日本長野白馬滑雪打工假期，每日例行公事就係滑雪同教班教滑雪，呢個假期令我進步不少同十分好玩，要多謝JSFCrew教練團隊咁多位！一齊滑雪一齊訓練，一齊重新學習玩ski, 仲有係屋企發生嘅所有大小事都係非常難忘。同埋多謝Michelle Wong放棄一切，陪我去一個話走就走嘅滑雪假期！
18～19season正在plan去日本打工假期，各位戰友到時再見！
VIDEO-2018-07-19-10-37-16 2 from 1/60th on Vimeo.
