Post

(This post was originally published on April 19th 2018 on Medium.)   Everything started with a question I received on WhatsApp. "Do you wanna try to do an Ironman?" Message...

拖到最後終於寫頭盔，也是最多人心塞的迷思！ 俗語話齋：又要威，又要戴頭盔！（真係老X土到“口口犬”）呢句嘢主要講以前的電單車用家的！現在小學生連都知電單車，單車要玩得型、專，挭係戴頭盔啦！Fullset概念嘛！ 那滑雪呢？看滑雪影片那些選手都無用喎！如果你是用滑雪技巧影片賺一餐半餐當然唔會用啦！專業嘛！型！夠衝！一個滑雪專業贊助選手，點會用頭盔㗎！ 對不對？？？？？？ 但有另一說法就是，如果是專業選手有品牌贊助（當然是指有金錢上的簽約贊助啦，一份長遠有錢的飯票呢！）咁又另一說法喇，安全第一嘛！（當然收得錢當然要做嘢啦，唔做？下季咪無你份囉！）確保安全，我上次練習有用，避左一下撞rail..bababab....!（事實是好多專業贊助選手私下練習都有用頭盔的，到拍影片時才唔用，或拍影片時試了幾次後，到正式拍才換冷帽！因為身價愈高技術愈好的，都有「經理人」處理他/她的事，經理人點會放手令他的搖錢樹提早掛鞋呢？） 咁要唔要買呀？我見你282828的影片都無用啦！......頭盔我有四個，每次出發都要攞出去的！而用唔用就看天氣、心情啦……當然也有不可抗力的時候！ 現在好多國內滑雪場，只要場內有freeride，平板推坡都硬性規定要用頭盔。不用的話就退票或要你租肉酸粉紅頭盔！咁嘅情況寧願自己買個啦！ 你可以話那是國内問題啫，那些人唔識滑啫（唔好咁講呀！早六七年都還可以咁講，現在要比技術……老實講，香港落伍啦！另一方面當然真的很多人真係滑不好或完全是危險人物啦！）韓國park一般都要使用頭盔的，一些還會叫你即場簽生死書！但有時又無人理喎，奇怪！（試過在韓國同一個park，兩個人不同月份，兩個待遇！） 那snowboard發源地美國呢？那邊真的無規定，但好多時自發性為主，但忽然某一年某一個出名玩park的美國滑雪場就反推出規定park場內禁止使用頭盔！！？？因為頭盔使用者受傷率高於不使用者！反向思考！？ 都係嗰句啦！頭係自己的！一般滑雪頭盔由七百至三千幾都有，現時技術方面來說都是那幾道板斧，吸震、透氣、會卸力，BOA系統、內置耳機、頭盔連大雪鏡（點樣？咪接近成個戰機頭盔咁囉！）或成個星戰白兵頭盔咁！ 反而想講下點選合適的頭盔！首先要親身試，這幾年各頭盔品牌的頭圍都愈做愈細！同一品牌明明我用開L，現在巳進駐XXXL（真係……頭盔頭圍明明一樣）！頭盔內的小半鵝型凹洞（應該無人會覺得自己個頭係圓型掛！）不能滿足每一個人的頭型，即使同一個品牌但不同型號都會有些出入！試戴後，感覺一下，兩側會否有夾住的感覺？前後空位會否過大導致頭盔前後移？要是全都剛剛好，適合的，丁點「夾」的感覺都沒有的話就最GOOD! (點解？簡單化咁講因為滑雪期間，頭會因為運動而有少許脹大，如果一開始買時已有「夾」的感覺，到你滑到中段時「夾」的感覺會因頭脹而轉換成「痛」，一路滑一路痛又何苦呢？～曾經親耳聽過一些客人話自己識某哥滑了七八年了，某哥說買個頭盔一定要「夾」，滑起來有些痛便對了！吓？？……當然頭是你的，你喜歡啦～如果以上都無問題，之後便是價錢和款式的選擇了！ 我近幾年開始轉滑backcountry ，反而使用頭盔的機會提高了！（怕死嘛！估計不了的因數太高，而且在惡劣環境有意想不到的用途添！） 當然頭盔的配搭用方法就因人而異，有人放雪鏡在頭盔外或內，各有各理由。再內配冷帽或棒球帽，貼貼紙或再套動物頭套。或加耳機，閃燈或GoPro等等! 最後名句：用頭盔不是你的技術差，而是怕其他人滑得屎！他超高速和控制不了的滑法撞到你時，七成的受傷個「滑然輪」都是在你身上，而他通常拍拍身便行得走得！ 下次講器材？No la~個個星期打咁多字唔係辦法！下星期講下我的「老師們」！ 1. 氣孔可自由開關 2. BOA扭轉系統 3. 有鴨舌型款 4. 星戰白兵頭盔,面罩位可拆 5. 頭盔連大雪鏡  

  我係一條阿叔！ 一條年過半百嘅大叔！ 同塵世間好多阿叔一樣，每日返工放工然後返屋企食晚飯，第二朝重覆以上步驟再嚟過，一星期五日一個月四個星期一年十二個月，做咗同一個行業三十幾年，無乜大成就尚幸唔使揸兜！後生時愛蒲愛玩夜夜笙歌晚晚去威，睇住老蘭方興未艾到炙手可熱再到淪為自由行景點，Underground 變 DD 變番 Underground 再變 Volar，從龍精虎猛玩到通宵達旦而家凌晨十二點對眼就要靠牙籤嚟撐，喜愛夜蒲到早訓中佬。曾經肥到兩個下巴頸與頭身毫無分割線，一身的皺肉像千頁岩一樣撘拉著脂肪沉積而成的肥膏。痛定思痛下努力減去一身肥肉做番個正常大叔！ 直到兩年幾三年前，誤交損友耳濡目染，蔫豬頭碰上萌鼻菩薩，姣婆遇着脂粉客之下發展出一段婚外情  ........    從此我不安於室，隔三差五往外跑，早出晚歸繾綣躁動得身水身汗，上山落水日頭夜晚水乳交融，每星期總有幾天每個週末都不離不棄，不認不認還需認，這段婚外情應該會一直離不開留不低直至 ...... 我再無力滿足它的苛刻要求！ 我嘅婚外情人來自浪漫熱情嘅夏威夷，叫 Ironman，佢擇偶條件要先游水再踩單車然後跑步，幾年之前我同佢初次邂逅於鹿頸新娘潭嘅時時食賽事，然後同一班精神狀態異於常人嘅朋友一齊戀上佢，幾年過去感情與日俱增，經歷過不同嘅考驗，515，70.3 Half Ironman 到 226 Full Ironman，每次激情過後都話要暫時分手，但不旋踵又夢牽魂繫再入塵網相約會面。還好有這段不倫之戀嘅並非我孤獨一人，而係長期有一班 MidageonG 院友同病相憐一齊走呢條崎嶇之路！  .     好多人話 Triathlon 好難相處，Ironman...

今週寫護臀褲！也是玩snowboard幾重要的保護裝備。無用的話，輕則patpat紫紫黑黑，重則尾龍骨末端破裂（不是講笑啊！ 就算懂正確的摔倒方法，會有幫助，但都會痛的！！！）早期本人第一次買的就是護臀褲，當然那時不是『褲』啦！嬰孩尿布式型態的（沒有正面的，如圖1）： 圖1 一條魔術貼在腰部，兩腿各另有一條魔術貼作固定之用，patpat部分就有一大片的EVA膠軟作保護用！你問足唔足夠？......比起無用的好囉！但當時已經如獲至寶（在那個年代），你說用了都痛，那買來幹嗎呢？！『它』只是一個輔助啦！內裡要再貼一塊較厚EVA膠軟墊或有人買那些孩童學行用的ABC墊作真正保護（即使現在已流行仿真褲型的護臀褲，也是有不少人會加EVA膠軟墊在內，厚薄自定! ），雙劍合璧下，真的是可以patpat摔了而不知痛為何物（當然看你加幾厚了）。去外國通常只用『尿布』都已頂到，但因那時代興寬、闊、大的款式，太薄反而會頂不住條滑雪褲向下滑（皮帶？當時是裝飾用的，完全無拉緊功能！hahah~），所以可以拿出國用！ EVA膠軟墊 後來護臀『褲』真的流行起來了，各滑雪牌都有自家出品，不同厚薄都有（記得有品牌出過滑浪褲款，說穿起來FREE～ D，可是它因爲太FREE而全力走位，出了一兩年就無了！），當然也有近年興起的新科技，又輕又薄又保護。而有些就會在原本已有的厚度上再加新科技，得唔得？都是那句啦，你可以受到有幾級痛呢？ 如何選一條合適的護臀褲？（如果你說你是不會用的，可以跳過這段！！），是否緊貼、還是寬鬆就要試穿一定要選合適的。不要太介懷是否女裝（保護性和色水不會有太大分別，著在內誰知呢？），有些品牌的尺寸都是偏大的，查驗會否走位。自己有雪褲在手就最好（冇就問店家借一下）連護臀褲一齊試穿，看做起動作時有否不適！ 護臀褲都有長短之分，短就短褲款（廢話）、長就有連護膝的，保暖些，穿著方便點，但那個護膝偏薄和可能會走位（因為每個人膝蓋高度都不一樣），真的要試真點啊！再看看價錢是否合適！！都OK的話便決之～ 進階了，摔的機會少了，或開始懂『就位』跌，加上新科技的保護受傷情況就會減少了！初學期基本上全方位都有機會摔，和摔時都全力落地，每次都『全力以赴』都幾金！ 小貼事？？！！初學買厚些啦！進階可以試選用新科技啦！但初學的你說好似新科技堅好多喎！你睇你自己受痛能力啦！我不是你！ 如果試過一次摔到後，直腸好像有些東西會直飛出來的話！我估你知道點選擇！ 圖片2:  各滑雪品牌護臀褲型 圖片3:  其中一些護臀長褲款 圖片4:  真正又型又有款，唔好笑呀！嚟緊直銷全世界滑雪場！hahaha  

上週世窗室內滑雪場一大早，某大遍天花的油漆連一些表層木材掉了下來，迫了一票人那週要自找活動。好驚人？還可以啦！話晒以前親眼睇住佢另一段（尺吋跟今次的還大一點點，話晒十八年前的技術）由天花開始跌落雪道的歷史一刻！止於用甚麼用料，甚麼技術會再修好？或更好？那就關我咩事！維修是園方的工作嘛！ 廢話不多，正式入題，今次談護膝！通常一般腦力閃過一定是打排球的護膝，夠厚（好似幾厚咁），易買，便宜，連救球撞落地都好似無事等！？可不可以？……出國用都可以……頂到幾下，但有問題的是它是會「走位」的。打排球著短褲走了位都可以即時用手調整，但滑雪著長褲要調就有難度和會愈用愈薄；當然第二諗到的是直排輪用的護膝（圖3 - 直排輪用護膝附送薄薄的固定護套，你可以著在護膝內，有些人會當第二層保護！），本人本身以前都愛用（特別練習新技能）。表層有硬殼，內層軟組織夠厚，背面上下各有條彈性魔術貼拉緊固定用（有少量走位），保護性十足（但如果淘寶一套都是$50人仔那些別論）。基本上保護性無問題！缺點是太大件！好彩那時興超闊超大雪衫褲style,所以穿著上來都叫「遮得到」（而家興「窄到天荒地老」那些就穿不上了）；第三會想到的可能比較專的，MTB（越野單車）護膝－修身，保護更全面（會有機會左右腳膝則面炒落地），透氣；正面都有硬殻（但近年好多品牌都改用軟殻，軟殻是指用新科技「軟膠」吸震，得唔得？睇你忍痛能力啦～），因為通常都是立體設計，走位機會低很多；第四是真的是滑雪專用的護膝，有甚麼分別，現在都是興比較偏薄，又是用了新科技吸震咁啦（都有些還是會用硬殼面），輕身易收藏等等！因為真的是雪地還有點軟度（看天氣啦！有時硬過石屎！） 你問那邊樣好？我梗係答睇你忍痛能力啦！話晒每個人的膝蓋「可受傷能力」都不一樣！一個做開腳部運動，同一個做開「打麻雀」手部運動，點會一樣呢！？玩完炒完你覺得會痛便知這個不太好囉！Hahahah~ 但你問我用開邊款？咁就可以答你！（三）和（四），（三）我現在用在落park時，跳台玩box或用鎚頭板時carve時用（carve都用，試過用（四）在世窗同一天炒過幾次，即瘀！博唔過！） 那（四）幾時用？一般出國滑行，粉雪和backcountry 時用，（玩粉雪都用？！你點知雪下面有無石頭或樹枝？！雖然心理作用比較多！）負擔少點，滑起上來輕鬆，活動力提升，行上山時減少阻力！！但唔代表炒唔痛喎！些少囉！都會走位，自己手作處理！ 現在又有些（都好多）新科技話點跌都唔痛，用鏟飛撞去都無事！你問我信唔信？信有些幫助囉！唔痛？如果你把所謂的新科技放在你手背上，我用鎚仔打你隻手，你唔「叫」咪當唔痛囉！（通常事主第一時間會縮沙！） 國內某品牌曾經話D3O因會在-30幾40度下（本人玩過-26，直頭即刻想番酒店訓，還滑雪喎！），自我復原會減退，差點會硬化爛掉，所以自研一款新科技，又薄又輕又保護，老闆親身拍視頻試鎚仔打手背（隔住新科技）無事！我有朋友即買即用，後果是怎樣？我見佢用完，行路「趌」下「趌」下囉！唔問啦！ 如果是世窗或室內場我自己首選（二）（三）啦！「哥哥」是自己的，睇一次跌打醫生都五六百，用來食餐「好西」好過啦！又要停玩兼有傷患，為甚麼呢？型？邊忽呀！ 何謂好的護膝？除了基本的唔走位（走少D啦！點知你點玩姐！ ），鬆緊合適你自己的「哥哥」，透氣和炒左真係唔太受傷和痛（純個人感覺）等外！當然要看你著了護膝後，穿不穿得下雪褲啦！你要在「靚」和「保護性」兩者作出選擇！ 價錢四百至過千都有（只係護膝一對），基本上最好梗係試穿，有雪褲在手更加穿整套試最真！（試嘢梗係認真試啦！到時唔fit傷左係得一個字-7）坐下，行下，屈下腳咁，試下會不會太緊（指條滑雪褲）！ 有些人為了靚選擇「窄到天荒」，那護膝只可選用偏薄款！有無問題？！話阿邊個都咁用無事喎！咁咪無事囉！ 你想點咪點囉！「哥哥」是你自己的，咁大個人識分了吧！不囉唆！受傷看醫生的又不是我！！！當然你預會玩或學滑雪一段時間，對自己好點，買對好些吧！（如果還在舊公司工作，一定話賣廣告）到時傷了比醫生錢之餘又再比錢買新護膝，完全「Double Pay」概念！ 下次終於寫護pat，咁都要分第二篇？係㗎！唔係點騙稿篇數！ 下週見～   1.D3O曾經是新科技物料，現在各品牌都比較少用了！ 2.排球護膝，還是留翻打排球時用吧！   3.這是拉緊『哥哥』週圍肌肉或固定關節用！不是用來保護膝蓋用！ 4.直排輪用，厚到呢！ 5.  MTB專用護膝，個人都算覺得不錯！ 6.滑雪品牌或運動品牌出的護膝，一看就知『好』啦！總知你覺得好咪得啦！ 7. 哩款真係嚟緊㗎！絕對真心推介!...

  一個無名運動員的故事，由職業到業餘，由運動員到社會。 今時今日的香港，流行找職業運動員做宣傳推廣；大家透過媒體所認識的，就是一個個在賽場上得到好成績的運動員。獎，就只有一個，獲獎的運動員當然有知名度；大家又是否知道，香港現在有多少籍籍無名的運動員，消耗他們的青春與汗水，不間斷地為香港努力？ 我在香港單車隊裡當了一個籍籍無名的運動員10年，退役後，我頓時失去了方向，因為我把生命中最重要的一樣東西突然一下子就放下了，我感到不知所措。 香港人都說自己有多欣賞職業運動員，但當踏入社會職場時，那就是另一回事了。我從來都不想帶著香港隊的名銜去找工作，但是履歷上又要寫上，因為一直待在港隊，根本沒有甚麼可以寫。初出茅廬當然明白甚麼都要從頭學起，但最常聽到的就是：「不要以為自己是運動員很厲害...」面對這種批評，我從來都沒有說過一句話，心底裡也從來沒有如此認為。 之後我投身社會，嘗試了很多工種，例如：銷售員、跟單員、單車店店長等……還有教練、運動科研，這都是我過往或現在的工作。踏入現實社會讓我感到迷失，無所適從，不間斷的工作讓我感到沉悶無目標……直至我遇到三項鐵人這項運動。 從來沒有想過去嘗試這一項運動，因為我在當運動員的時候，已經深深明白單車訓練已經有夠辛苦了，還要我跳進大海裡游泳（不懂游泳），還要跑步，只是想像已經要了我的命。 在我當單車教練工作時，遇上了一幫玩三項鐵人的成年業餘運動員，我專責訓練他們單車的項目；每次他們完成我的訓練後，他們未有停下來，還會再加跑步和游泳的訓練。這令我非常驚訝，因為我的訓練是直接把職業運動員的訓練模式放在業餘運動員上，他們所承受的運動壓力比正常訓練大好幾倍，還沒計算工作壓力、工作疲累度等，我非常敬佩他們。 就是因為這樣，我覺得如果我要我給他們的訓練有所成效，讓他們能好好發揮，我必須要知道及了解他們有多辛苦 - 就是這樣，我開始了我的業餘三項鐵人生涯。  

又過一週！今次終於寫（講）一下保護裝備！ 講保護裝備前,講下點解要買保護裝備！不清楚或完全不知「滑雪」是甚麼東東前，最容易接觸的一定是電影或電視劇，男女主角滑得出色（外國製作公司好多時會請差不多身型的贊助選手演出，包到咁，邊個認到？！），之後向後瞓落D雪到，懶開心咁！（戲就咁拍，如果見雪你就咁向後瞓，有件大石頭喺係下面凸起咗，你就可以收得板。如果係折斷的樹頭，你就真係死待2開場嗰個音樂盒一樣）咪顛啦！ 保護裝備其實是必然要買的，當然古語有云，你傷你賤，我親生㗎咩 (呢句古語明就明，唔明就算)！你當然可以選擇唔買！命係你自己的！有些人說：「我滑雪唔洗頭盔㗎！我唔著護腕的！」就我個人而言，有人問我都會答我買齊晒！我從來不答人應不應買，特別對初學或不認識這個運動的人說：「唔洗用呀！傷不到的！阿邊個邊個都無用啦！」你不是我，我不代表「他」，我邊知「他」怎滑？！怎知「他」會在甚麼情況、地型下摔倒！？他因為你一句唔洗啦而無買，又後來傷左，咁點呢？！唔通講:「下次小心D啦？滑雪係咁㗎啦！」咁得意？！而我建議是「你認為有必要，覺得自己會受傷的，買吧！」如果你說好貴啊！那不要在不會落雪的亞熱帶地區玩「滑雪」這個運動！人生除了「滑雪」還有好多其他嘢玩的！如果你真係好想玩，便落些本吧！（唓～上兩篇你都無買啦！？當時唔知嘛！） 保護裝置大概有護腕、護肘、護膝、護pat衭和頭盔！ 先講護腕，現在都好多人會慢慢不用。除了覺得唔『型』外，主因係護腕是穿在手套内，穿著時麻煩，因為通常買手套時可能要買大一碼；加上諗諗下會覺得好少會傷到呱，好多視頻個選手都無用啦！（傷咗你唔知啫！）就開始不用！但九成九的初學者，向後或向前跌時，必然會用手「撐」地，即使跟教練學習了正確的摔法，但由小朋友成長至成年的人體防摔法最基本都是用手「撐」，一時的確難改變的！所以才會有「護腕」這個產物的出現！我有無用？？？練新招時都會使用中！一般傷便是手掌紅腫，手腕痛楚或過份撞擊導致那份力量上了肘或肩，嚴重便是手腕骨碎裂或移位（手腕由比較大的八粒細骨組成）可能要開刀的（有認識的人被處理過，康復時間絕對漫長～～最麻煩係第二朝要番工）！ 市面上及網上都有專用的滑雪用護腕套，通常那個護腕套的底位內置會有一條扁寬的鋼片或硬膠片，主要提供你「撐」時的保護。有些人說用過後爛了，不耐用！但反方向想，那個護腕可能保了你的手一命了，用一世咩！也有連手套內置的（肉酸D囉！但我有兩對！hahah）通常百幾至四百蚊到，基本上都夠安全啦！ 可能你問滾軸溜冰（直排輪）嗰款得唔得？？都得的！（主要分辨為手掌位至腕位的硬膠條會『凌空』，不會像滑雪用的緊貼手型，因為佢地炒石屎地用）你可能會覺得哩款"堅D"，但穿著時比較麻煩，和因凸出的位置加快了手套的磨損、擦爛。所以有些人會買直排輪那款保護裝置代替滑雪那款！基本上都可以，的確比較平宜，但最好都買貴一點點囉！牌子好點、厚點！我看過有初學者受傷是因爲那套「保護裝備」為主因，比D硬膠反撞傷！問他那套東西幾錢，＄50人仔！淘寶貨！！（但我都看過淘寶貨的好野，都便宜的！點解要為嗰幾百蚊用身體做試驗呢？一次鐵打都要四五百，最少都兩劑啦！） 那鋼片定硬膠片好？個人喜好啦！金屬當然堅啦但重！膠就輕但會有機會斷！（還有些軟膠條款的，個人就覺得初學硬些少好點，有點經驗後改用會更佳！） 點穿？（咁都要教？？係呀！我試過最少八次在無講解的情況下，都係有人穿錯！）先把護套平放在平面上，有硬膠或鋼片底的向下，兩個護套對內或對外（睇你點放啦）都各有一個孔，是給大姆指穿的，其餘各四隻手指穿向上。正常情況下，鋼片或硬膠片位會貼在『把脈位』（中醫把脈嗰個位置，如果沒有便是穿反了）。之後把腕位摩術貼順位貼上便可！何謂合適？！不緊不鬆，可以連手套一齊穿內便叫可以了！ 有些護套款上下都有硬膠的，和傳統的單面那個好？其實都差不多，當然sell你買就多多好處啦！那公平些講，多層保護囉！但難穿手套囉！ 可不可以把護套穿手套外面？可以，護套是你的，你話事啦！當然穿外面就可能加速爛的機會（看過一些視頻選手都穿手套外面？有的！但通常是皮製的，給carving 選手用的！） 置於護肘，老實講，真的好耐都無用過（當然是採用正確的摔倒方法）。但有時總有時運低，明明全身都無撞到，係撞手肘，shxt~ 都係嗰句命是你自己的，不要人地講一句唔洗啦！而增加見跌打師父的機會！ 今次寫到呢到，下次講護膝，護pat衭和頭盔！   1.大眾型號 2.硬和軟膠條   3.直排輪用護腕，紅圈為凸出凌空位置     4.疑似凶器！hahahah~    

藝術家 Prodip Leung (大佬庭），在香港尖沙咀海港城舉辦個人作品展「CULT FROM SPACE」，一位我非常尊敬的音樂人加藝術家，當然要近距離欣賞佢嘅作品🙌🏼👍🏼  「CULT FROM SPACE」 日期：即日至 5 月 27 日 時間：11:00 至 22:00 地址：香港尖沙咀廣東道 3 至 27 號 海港城海洋中心二階 207 號鋪

Lee Hawk in action from 1/60th on Vimeo.   Good skate session with HKIT family, thx 📹 @kit415 yeah Jimmy Hong Kong @jimmywong223  #thankyouskateboarding  #hkitskateshop #shatin #bigcaveskateboarding #oxeloskateboards

喺呀！未到一個禮拜㗎! 不過想happy share 一單嘢！近年真係多了香港人學滑雪，還多了人上世窗練習。人多會點？千奇百怪囉！不斷重複的偷板事件s，偷攞板架用（我朋友就是其受害者之一，成個板袋俾「人」掉左，最慘係攞架者係「人」都識添！唉！～）。近月有一名自稱不知是「愛國團體」還是「外國團體」話唔見左板袋 (做左大半年會員咁啦，咁大支鐵!!!)，向雪場其中一個領班投訴，最初我倆都以為是要求報警報失，但又不是喎！話板不要緊，反要求雪場重新整理「規劃」，寫一份報告書電郵給他！(吓！吓！吓！當時我和另一KGB社員坐在旁聽到一頭霧水) 領班聽完都笑左出嚟。受害者還希望要見更高的領導喎…喎…喎… 之後有世窗員工被他「恐嚇」？！？！職員話點解而家D會員質素咁差！（關咩事！係有錢就可以做會員啦！）當然「恐嚇」一詞的定義大家都可能有出入（但後來得知那一「句子」真係恐嚇!)，但相信口氣絕不是nice囉！人哋打份工啫，衰D唔好聽，喺雪場唔小心攪到斷手斷腳，最後咪又係工作人員抬你出嚟車你去醫院，難道你朋友有擔架咩？！！（你可以話佢份工包㗎喎！如果佢攞正嚟做就應該立刻封場，全部人要走，再用保溫衣物包住你。之後點……由你喺雪場凍囉！有常識都知－第一，唔好隨便移動傷者(或傷者自身都應該不能自己移動)。第二，不關事人不要圍圈睇熱鬧，向職員複述傷者點炒，之後等專業救傷人員入雪場救你囉！咁就正解喇！）點會同一個會有機會救你或你朋友的人嘈交兼「恐嚇」㗎！當然如果真係「傻」的，就真係別論啦！不過好似真心要驚！因為聽聞真喺傻㗎！無仇報！hahaha~

轉過頭又一星期， 上篇俾人話睇完後除咗係打咗「SNOWBOARD 」這個英文名詞外，整篇關snowboard的東西一樣都無寫過！ 洗咩咁躁～～而家「打字」開始講！ 話說2004年，一個入冬的時份，正是接近聖誕節的時間（點解記得??? 因為當時份工「那一年」竟然可以連放三天）。想約下腳怎消費這三天假期時，在偶然的情況下看到一本雜誌介紹深圳有得滑雪。心諗幾百蚊玩幾個鐘，又完全配合冬天的主題，又可以影下相（無錯！又係影相!!!），之後再去按摩一下，第二日又去玩……！嘩！完美到呢～～連自己都驚！ 立刻call人啦，五個人得一個應機!!! 還要講好似有夜場喎！世界之窗入場費¥30人仔喎！（你話點咪點囉！「註：當年晚上七點半開始夜場，¥30人仔」） 當天晚上到了世界之窗大門售票處，已經提早十五分鐘，但夜票條人龍都長到開始打蛇餅。心諗好彩早到咗！排完買到張門票已八點，之後再排入場。終於到世界之窗場內已八點三！之後再找傳說中的室內滑雪場的入口，第一影像收入眼簾的是－ 一座(好假的)發泡膠「雪山」加二個「假人」滑雪！（但你唔好理啦！我親眼見過不少人爬上呢座「頂峰」拍照啊！高跟鞋，皮鞋，拖鞋，赤腳……）嘩～真係zxyxzzx..€>€%##!!!!  睇完門口已打定三折，我朋友即時話好彩¥30人仔咋！快入快走！今晚約咗人一齊食晚飯！ 行到𥚃面，先是一條「假」的河川配真木橋，但高十二吋的。旁邊還有些鬼五馬六的雪人（當然是真發泡膠雕出來啦！)，跟手一條盪氣廻長的隧道，兩旁貼滿有幾假就幾假的滑雪圖片（當時嗰種心情完全不是「文字」可以表達到出來的，但如果用母語講就無問題啦！）。「即是現在3D畫廊那條路」!!! 盡頭終於見到滑雪場…… 賣雪票的小站，後面有個咖啡廳，旁邊還有大大塊玻璃可以看到内部情況。我們急急一望（如果真係不對路即閃），啊！還可以喎！！真係好似有雪喎（當然比幾年前日本那個差好遠啦）。之後正式買滑雪票準備入場，¥200人仔訂金（包全套裝備），每小時¥80人仔（在¥200那邊扣，如果玩兩小時就¥140，走時佢會回番¥60俾你）！心諗幾百蚊真係滑到雪唔錯喎！換完「小黄」套衫再著好鞋，臭到呢～（以前著那套衫一律叫黄衫人，到近幾年轉了新裝叫橙粒粒，因為橙色囉）。那時不知發甚麼神經在花園街見到$50對滑雪手套就買了，都不知為啥～今次就剛好有用處！（而我朋友事後和我說，他那對「公共」滑雪手套濕到好似滑完水咁又凍，還「媽媽」我為甚麼不提他買，知鬼咩！！！）準備入場前職員還會問你玩雙板ski還是單板snowboarding！當然是snowboard啦！（奇怪？我巳著snowboard鞋還要問？但當我見過有些香港人旅遊相，手攞住塊snowobard，腳著住ski boots時，我就明白了！ hahahha~） 入到場，夠凍、雪夠硬、人夠多！但對我和朋友來說一兩小時便剛好。 問題來了，兩個都唔識玩，點呢？先是看看場內其他人怎玩，原來當時場內的全部都是香港人來，他們都已有自己的裝備，而且滑得相當順暢。 有過上次的經驗，玩前又先去看了一些視頻、和得到網上一些「不知名」的小小建議，如果控制不了，patpat落地就會停啦！就是在這樣的凖備下，膽粗粗嘗試第一次玩snowboard了！ 我和朋友靠邊步兵式行上去（等於正常都不會在馬路中心行的道理一樣，自己安全第一！），高度可以自己控制，之後點滑好呢？！最直覺的滑法便是直落吧！可能當時人已少，可以放心地直線「魚雷式」滑雪（真正認識snowboard滑行後才知這是非常危險，指在場某些人士）而傳說非常難使用的鋼索式拖棍，我發現對我完全無問題，反而我朋友人就炒到七個一皮！滑行方面都問題不大（指無甚麼大傷害），一時炒下一時滑下兩小時就這樣過了！心情相當興奮，想當然拍照留念少不了! 企板影一張，打橫放又一張啦！真是兩張票（世窗門票和雪場票）玩到笑！ 夠鐘出場外更衣時，看見有些人有穿護膝和護腕等，最重要是有包尿布式護pat衭（舊年代的產物），原來還有這種操作！（食飯時patpat開始作痛，要坐半邊）之後梗係食飯啦～和無入場的朋友們吹到以為攞左世界冠軍咁啦！hahahah~ 回港後，立刻深入找尋關於滑雪板snowboard的資料（最重點係世窗啦！）！ 隔了第二週已重回雪場，更請了當時世窗的正式官方教練（蓮）學習玩snowboard（得啦！仔黎㗎！）！從此中毒不能回，直到現在每週都滑一下！ 今篇真是打字打到眼光光！下一篇本想「講究」一下snowboard/滑雪板/單板，作為一個snowboarder不分初級或所謂的高級者（其實要咩level 先叫高級！？！hahah~ 我滑那麼久還有點不懂解答）必修課！如何分辨和選擇滑雪板！ 但正常都唔會一開始就買板，和當年選擇真係偏少，所以下篇都是講下最貼身的享受，保護裝備！係唔係貴就好，平就無好嘢？即係講咩呀！「保護裝備」！   1.世界之窗正門...

滑雪其實好少一個人出發滑（雖然小弟試過幾次出發單飛滑)，有可能參加滑雪團或朋友拖朋友式自遊行組團去。團內總有些人你不認識或想「加深」認識的新朋友，最好的開場白：「你點會認識或開始滑雪運動㗎！？」一般正常情況下，人點都俾下面子，有二三句對答，都叫開咗個頭先啦！最好時間點為晚餐時間，對方無藉口話: 「朋友等緊我出去滑雪嘛！」( night ski另話hahahah~） 如果不想場面太冷清的話，問人前緊係自己先報名，表白一番先啦，如我一樣！現在就講我點認識和開始這個運動。 最早接觸應該是（大約）2000年的一次日本旅遊。聽聞朋友說那邊有個超巨型的室內滑雪場，加上當時又未接觸過「滑雪」這個東西、剛好又是每小時收費、玩個一小時，影下相滑下，經濟實惠。如果不好玩都只是一小時，就是這樣把人生第一次滑雪獻給了這個當時全日本最大的室內滑雪場千葉縣船橋市SKI DOME SSAWS了！ 當日由東京去到千葉縣現場巳經因爲坐車轉車轉傻了！但到了大門口，心情還是非常興奮。因為真的好巨大！但問題來了，本來想試一試snowboard ，原來它是分日子的，類似星期 一、三、五玩ski ，二，四，六玩snowboard (不要嘗試問星期日玩咩！忘了！) 我最後只好試玩ski 了(對於當時的我，兩者都無分別。都係不懂的，只知叫滑雪囉！) 入到場內，先租雪服套裝。對！是套裝！一個超大的大袋，套西裝那個種，內有齊一般滑雪的衫衭，手套和一對SKI BOOTS俾過你的。超乾淨的，無任何味道！之後就攞住ski板和 ski pole戰戰兢兢地入內。一入到場一震冷風吹面，眼看超大和超高的『假雪』滑雪道，（即使和現時的的某些室內滑雪場比，絕不失禮！）一個字正！但另一問題又來了，我係不懂滑雪的，拿攞住四條『嘢』，點呢？咁本人都有自知之明，出發前都去看看滑雪影片，問下朋友點滑，點停。（當然『知』和『做到』是兩碼子的事）！ 初學者上山好彩是用運輸帶，只要企定定便可，炒過幾次後（在零保護裝備下，完全不痛！），開始叫控制到了（因為好短）。跟著挑戰上一級的道段，有了之前的經驗、加上無咩人、雪道超闊、個人好放心地，又超硬化地滑我的第一次SKI的S（其實都不太斜，只是拉長了吧！）。 滑完幾次後，心情興奮了，就是出事的時候了！忽然發現有吊車的出現！又未試過？先上吧！GO～GO～GO～！開頭完全不覺有問題，落車都出奇地無問題，問題在那？問題是我原來已是在最高點，簡單來說是山頂，呆咗！？完全滑不下了山。週邊忽然有一班小學生出現，我和他們一同企在最高點。他們看一看我，『啾』一聲直滑落了。而我......採用出發前朋友提出的建議：「有不對路的，拆左對SKI，拿在手當行山杆咁篤住雪地，打橫一步一步『行番落黎』。」樣衰？不要緊！最緊要是自身安全，因為還有幾天在東京SHOPPING！hahaha~  行了幾步，已有管理員出現幫手，幫我安全地回到地面。而快樂時光就是這樣好快就過，乖乖打道回東京！那就完成了我第一次的滑雪初體驗～ 我知？！知喎！想問那個千葉縣船橋市SKI DOME SSAWS實在位置嘛？死咗條心吧！在2003年9月30號破產結束營業了！最慘是已經破產了，但因為無錢拆這個巨物，再破產一次去拆！ 而家日本還有很多室內滑雪場，但講『大』算是這個了！當然現在全世界最大的室內滑雪場是在國內哈爾濱萬達滑雪場啦！中東那個？？OUT咗啦～ 打了那麼多字，都未講玩SNOWBOARD的？！當然啦！不然又怎騙多一篇稿呢！！！ 下次正式講玩SNOWBOARD的初體驗！！！   ssaws-1外觀...